Mintegi Iraunkor Arrunta Bulegoa z/b eta Sociología Ordinaria-ren arteko lankidetza-programa publikoa da. 2020an eta 2021ean egingo da, elkarrizketen eta topaketen bidez, formatu birtualean eta presentzialean.

Ordinaria eta Bulegoa z/b-ren arteko lotura aspaldikoa da: bat etorritako biografiak, aurreko lankidetzak eta afektuak. Baina bakarrik orain finkatu da proiektu gisa, atzera-egite eta orainari buruzko azalpen guztien krisi une honetan. Programa hau garai bitxietan sortu da, modernitatearen krisiak, post-aren irakurketen agortzeak, azelerazio kapitalistak eta eztanda globalizatzaileak ezin baitute behar bezala azaldu hain oraingoa den orainaldia. Krisi honetara hurbiltzen saiatzeko, eta haren interpretazioa eta guztion praktikak bizigarri egiteko, programa hau osatu dugu.

Arteak aukera bat -bestelakoa- ematen badigu bizitza lotura epistemologikorik gabe interpretatzeko, soziologiak beste leku batean kokatzen gaitu: performatibitate zientifikoaren aurreko jarrera kritikoa, ezagutza-formak txertatzen dituen hausnarketa. Sociología Ordinariari dagokionez, urte asko dira leku hori hedatzen ari dela, begiratzeko eta jarduteko beste modu batzuk barnean hartzen ari direla, hainbat lankidetzatan eta urteko jardunaldietan islatu denez.

Bulegoa z/b-ri dagokionez, gizarte-zientziek zeregin garrantzitsua izan dute bere ibilbidean. Hamar urteko lanaren ondoren, garrantzi hori aditzera ematen da inguruan dugun mundua interpretatzeko eta arazo gisa planteatzeko ahaleginetan, narratibetatik eta artearen tresna tangentzialetatik abiatuta.