Zinema_ilegaleko 125. saioa

Ignacio Agüeroren 100 niños esperando un tren (1988) eta John Smithen The Girl Chewing Gum (1976) filmen proiekzioa, Semaj eta Jonik proposatuta, eta, horren ondoren, solasaldia.

Dokumentista
Zuzendaria
Didakta
Diktadorea

Joni eta Semaj fluent-en PRAXIS ikasketa-programako partaideak dira. Programa bikoitz bat aurkeztuko dute, 100 niños esperando un tren (Ignacio Agüero, 1988) eta The Girl Chewing Gum (John Smith, 1976) filmez osatua. 100 niños esperando un tren filmak Alicia Vegak zuzendutako zinema-tailer bat dokumentatzen du. Txileko Santiagoko landa-aldean kokatuta dago, Pinocheten diktaduran. Zinema eta bere ekoizpen-baliabideak zinemara inoiz joan ez diren haurrei hurbiltzeko asmoz, Vegak laguntza ematen die haurrei beren errealitateari zentzua emateko eta fikzioa eta errealitatea bereizteko. The Girl Chewing Gum lanak ere zinemaren eraikuntza jorratzen du, 1976ean jendez lepo zegoen Londresko kale bat ardatz hartuta. Arte-hezkuntzako programa bateko kide garenez, zinemak zerbitzu publiko gisa duen erabilgarritasuna ikertu nahi dugu. Zinema espazio publikoa denean, norentzat da baliagarri eta nor instrumentalizatzen du? Zinemak askatu edo giltzapetu egiten al du? Noiz dokumentatzen du zinemak errealitatea eta noiz diktatzen du?

Semaj Kaliforniako Los Angelesen bizi den artxibozain eta komisario bat da. Amsterdamgo Unibertsitateko “Mugimenduzko irudia zaintzea eta aurkeztea” programan graduatu berria da. Memoria lesbiko eta transeko praktiketan eta euskarri zinematografiko berritzaileetan espezializatu da. Los Angeles Contemporary Exhibitions-en “2026an Agertutako Komisarioa” saria jaso du, eta bere ikuspegi kuratorialean lana, deslurralderatzea, abstrakzio artxibistikoa eta antzeko gaiak lantzen ditu.

Joni (a.k.a Biogal) artista, showgirl, artxibista eta Londresen bizi den komunitate-antolatzaile bat da. Sucking all the knobs in the house I grew up in da bere lehen film laburra. Bost izarreko bi erreseina ditu Letterboxd-en, biak ala biak sekula ezagutu ez dituen Greziako transexualek idatziak.

Irisgarritasuna: Arrapala desmuntagarri bat dugu, aulki gurpildunak sartu ahal izateko. Bainugela ez da irisgarria gurpil-aulkiak sartzeko.

Irisgarritasuna eskatzeko, idatzi helbide honetara: bulegoa@bulegoa.org