ZINEMA_ILEGALEKO 110. SAIOA

Heiny Srour-en Leila and the Wolves (1984) filmaren proiekzioa, Akane Saraivak eta Julia Martosek proposatuta.

Leila and the Wolves fabula zahar bat berridazten duen epopeia feminista bat da: Libanon eta Palestinan artzainik ez zuten artalde batzuk jan zituzten otsoena, kalera berehala irten eta kontraerasoa jo zuten emakumeena.

Heiny Srour-ek Libanoko eta Palestinako erresistentziaren bost hamarkadatan barrena bidaiatzen du, emakume arabiarrek borroka antiinperialistan bete duten papera zein izan zen –eta zein den– kontatzeko. Bidaia horretan dugun ondoan heroinak  gauzei begiratzen maite du (lurrari, itsasoari, olatuei, gizonen gorputz biluziei eta emakumeen gorputz estaliei, amorruz betetako belo beltzen atzetik dauden hanka menderakaitzei) eta galderak egiten borrokatzen da. Gerran dagoen lurralde batean barneratzen da, eta aurrien artean txertatzen ditu emakumeen benetako istorioak, beren ekintzekin birkodetu baitzuten etxearen eta gatazka-zelaiaren artean hedatzen den espazioa.

Akane Saraiva artista, delineatzailea eta askoz ere gauza gehiago da. Zinema_Ilegaleko koordinatzailea izan da azken bi urteetan, eta, aldi berean, bere praktikan ikertzen jardun du eta laguntza eman die lagunei proiektuetan. Gorputz independente bi edo gehiagoren artean izaten diren topaketak interesatzen zaizkio. Julia Martos artista eta ikertzailea da, eta artxiboaren politika eta horrek narratologia eta erakusketa aldetik duen ahalmena interesatzen zaizkio. Biek proposatu dute Zinema_Ilegalaren 110. saio hau, koordinazioaren lekukoa aldatzeko.