Nabigatzeko formak: Kabotajea

IGNACIO SÁEZ: UZKUR 20REKIN…

by

03/12/2020 18:00

  • Ignacio Sáez: Mar de papeles y velero, agosto 2013 (2013)

  • Ignacio Sáez: Capa 1. Copia 4 (2014)

  • Ignacio Sáez: Mesa taller barco vanitas (2008)

Bilbon eta Santanderren Bertatik Bertara/Tan Cerca 2020 programaren barruan egiten den Bulegoa z/b eta fluent-en arteko Nabigatzeko moduak: Kabotajea, lankidetza-programa dela eta, Ignacio Sáez gonbidatu dugu, bulegoko lokalean bere obra zabal dezan.

Nabigatzeko moduak: Kabotajea-k ekintza-eremu bat mugatzen du, espekulatibo gisa defini daitekeen moduan jarduteko paisaia bat. Sáezen lanak, ordea, proposamenaren zentzu metaforikoa gainditzen du. Bere praktikan, “lana eta itsasoa”, “portuko paisaia”, “nabigatzeko moduak” eta antzeko gaiak euskarria, materia, funtsa eta irudia dira.

UZKUR 20REKIN…
Bulegoa z/b-ren gonbitea dela eta, nire lan guztia aurkezten dut, 2013tik gaur arte egindakoa.

Nire proposamena ez da artelanak espazioan zabaltzeko modu bat, baizik eta artxibo gisa erakustea, egindako guztia bere hedapen osoan dokumentatuz, obrak egin ahala biltegiratuz joan naizen jatorrizko moduan aurkeztuz.

Hau da, nire tailerretik Bulegoa z/b gunera lekualdatu naiz, eta, artifizio handiegirik gabe, marrazki-serieak eta argazki-serieak dituzten karpetak gordetzeko ditudan hiru altzariak jarri ditut ikusgai, bai erakusketa-proiektuak, bai “obra” gisa har daitezkeenak, aztertu eta garatu bahi ditudan interes- eta aukera-espektroaren ideia zehatza isla dezaten. Espazioan obra nabarmen batzuk jarri ordez, bloke trinko eta itxi bat aurkeztu nahi dut, zabaldu nahi duenari azaltzeko nire prozesua nolakoa den eta nire proiektu plastikoa eta bizia nondik nora doan; nola igarotzen den eta aurrera egiten duen, hala egiten duenean, eta nola galtzen eta gelditzen den, hala gertatzen denean.

EGUNAK: 2020/12/03 – 2021/01/30

ORDUTEGIA: ostegunetik larunbatera, 16:30etatik 20:30era

Bulegoa itxita egongo da Eguberriko oporren astean.

2021eko urtarrilaren 22an, 18:00etatik 20:00etara, artistak erakusketaren zenbait material zabalduko du.

Parte hartzeko, idatzi helbide honetara: bulegoa@bulegoa.org

Ignacio Sáez, 1971n Bilbon jaioa. Bere burua koadroen margolari edo margolari artistiko gisa aurkeztu ohi da. Hala egiten du, bere lanbideari edo jarduera profesionalari buruz galdetzen diotenean, honelako gai bati, hainbeste zalantza eta kontraesan sorrarazten dituen galdera bati, erantzun labur batekin irtenbide azkarra eman nahian.