ZINEMA_ILEGALEKO 107. SAIOA

Javier R. Pérez-Curielek proposatutako proiekzioa, eta, ondoren, solasaldia.

Azken urteetan, zineman ikusgai den filmen bat ikusi nahi badut, baina denborarik ez badut, zinemara joateko gogorik edo dirurik ez badut, webguneetara jotzen dut, aukera ematen baitute filma deskargatzeko edo streaming bidez ikusteko. Orain dela urte batzuk oso ohikoa zen, baina orain ez da hain ohikoa. Películas Yonkis, Cuevana izenak etortzen zaizkit burura, besteak beste, aski berriak, baina askoz gehiago izan dira, pixkanaka itxi baitituzte filmak legez kanpo erreproduzitzeagatik. Batzuetan, erreproduzitzeko “kalitatea” desberdina zen; RipDVD, Screener eta CAM zeuden aukeren artean. Egia esan, kopiaren kalitate-motaren desberdintasuna baino gehiago kontua da kopiatzeko metodologia desberdina erabili dela. RipDVDa da DVD bat zuzenean grabatzea, informazioa kopiatuta. Screener, berriz, bideokamera batekin grabatutako filmak dira, baina proiekzio-aretoaren barruko proiektoretik zuzenean grabatutakoak. CAM, azkenik, saio komertzial batean, zinemako plateatik kamera batekin egindako grabazioak dira. Era horretan, lortutako ikus-entzunezko materialean, gerta liteke ikustea pantaila eta grabatzen duen kameraren artean igarotzen diren pertsonen itzala, entzutea zinema-aretoko ikusleen ahotsen bat, kamerak filma berriz enkoadratzea, enkoadraketak ortogonaltasunik ez izatea irudiarekin edota ez jasotzea bere osotasunean. Hasieran, pelikula bat ikusteko gogo izugarria nuenean eta beste estekarik ez zegoenean, filmaren CAMa ikusten nuen. Handik urte batzuetara, ezusteko ederra hartu nuen, ikus-entzunezko produktu hori ikustean, RipDVD kopia edo Screener baten ordez, eta, beraz, nahita aukeratzen dut. Honako hau gonbidapen bat duzu, gustuko dudan zerbait erakusteko: film jakin bat baino gehiago ikus-entzunezkoak egiteko modu bat da. Oraingo honetan, gainera, urrutixeago ere eramango dugu. ZUZENEKO EMANALDIA HEMENDIK…

Javier R. Pérez-Curiel, A.K.A. Chavezito A.K.A. DTRNMNT, ikusizko eta soinuzko artista.