ZINEMA ILEGALEKO 120. SAIOA

João Carlos Pintoren Perpetual Disorder (Portugal, Espainia, 2024, 5 min), Biviana Chauchiren Lima (Peru, 2025, 4 min), Ismaïl Bahriren Foyer (Tunisia, Frantzia, 2016, 31 min) eta Álvaro Feldmanen La Tarara (Espainia, 2021, 14 min) filmen proiekzioak. 8 mm-ko proiekzioak, euskarri digitalean, Sofía Tudelak proposatuak.

Hiria, bizileku gisa, aspaldi gailendu zen lekukotzeko bestelako moduen gainetik. Haren hedapenak Industria Iraultzaren aurreko paisaia naturalak
eraldatu zituen, eta etapa historiko bakoitzak arrastoa utzi zuen lurraldean. Oraindik ez da harritzekoa hondatuta dauden eremuak ikustea hirietan, kale estu, harrizko zubi eta arkuak dituzten eraikuntzekin, altzairu eta zementuarekin batera.

Ohikoa da paseatzen ari dena alde zaharrean gelditzea, iheserako edo bakartzeko leku bat aurkitzen baitu bertan. Alderik modernizatuenean ibiltzen da, ohiko ibilbidea du: lanekoa joan-etorrietakoa.

Hirigintza estandarizatzeko azken aldiko joera gorabehera, hiriko bizimoduak heterogeneoak dira oraindik. Gure kale gehienen lerro zuzena ez da erabat nagusitu. Eguneroko ibilbide batzuk inprobisatu egiten dira, eta oraindik ere nostalgia dago, hiri-espazioaren barruan “familia bakoitzarentzat etxe bat, etxe bakoitzean baratze bat eta lorategi bat” aurkitzeko mira ”(Arturo Soria y Mata, 1882).

Aukeratutako filmen abiapuntua hiri bateko puntu itsuetan bizi diren beste existentzia-modu horiek dira, hiriko bizitza ulertzeko dugun eguneroko moduetatik kanpo daudenak. Zinemagileak, inguruari emandako begirada pertsonaletik abiatuta, bere burua kontatzeaz gain, inguru urbanoarekin duen elkarbizitzan gertatzen denari irekitzen dio bere burua.

Sofía Tudela (Jaén, 1996) artista bisuala eta programatzailea da. Sorkuntza eta praktika garaikideko ikus-entzunezko laborategia LAV Masterra (2021-2022), Arte eta Lanbide Artistikoetako Masterra, SUR Eskola eta Arte Ederren Zirkulua (2019-2021) eta Kultura Kudeaketako UC3M Masterra (2018-19) egin ditu. Kultura-programatzaile gisa ESQUEJES. Zinema hedatuaren jaialdian parte hartu du (“Este ojo sin cuerpo” saioa, 2025) eta alRasoko Egonaldi Artistikoa (2024- 25) koordinatu du Ana Domínguezekin batera.

*Jarduera hau egiteko FCAT Zinema Afrikarraren Zinemaldiko Funts Filmikoaren laguntza jaso da.