ZINEMA ILEGALEKO 119. SAIOA

Rafael Álvarezek proposatutako Alan Clarke-ren Road filmaren proiekzioa (1987, 67 min), eta, ondoren, solasaldia.

Normalean Mike Leigh eta Ken Loach izenekin lotu ohi den Erresuma Batuko errealismo sozialaren kanonaren B aldean, Alan Clarke zinegile erradikala agertzen da. Konfrontazio politiko eta sozialerako toki bihurtu zuen Erresuma Batuko telebista publikoa, eta behin eta berriz egin zuen topo Margaret Thatcher-en Erresuma Batuko zentsura kontserbadorearekin eta makineria instituzionalarekin.

Clarkek uko egin zion indarkeria soziala leuntzeari, eta NO FUTURE mugimenduaren dokumentu gordin hau utzi zigun.

Filma Ingalaterrako iparraldeko kale bakar batean garatzen da, eta eguneroko bizitza eta langile-klasearen espoliazioaren ondorioak erretratatzen ditu: langabezia kronikoa, alkoholismoa eta belaunaldien arteko etsipena. Oparotasunaren diskurtso ofizialaren aurrez aurre, Alan Clarkek jada berrerospenik espero ez duen komunitate hautsi baten erraiak erakusten ditu.

Rafael Álvarez (Bartzelona, 1999) Bilbon bizi da eta Zine de Barrio zineklubaren sortzaileetako bat da. Zinemazalea eta musikazalea da, eta bi arlo horiei lotutako kultura-ekitaldien kuradoretzan eta sustapenean lan egiten du.