GARI ARAMBARRI + GIN RO: DESEMBOCADURA INCIERTA

Gari Arambarrik eta Gin Rok 2024ko abuztuko egonaldian egin duten lanaren emaitzak aurkeztuko dituzte.

INAUGURAZIOA
Asteartea, 2024ko abenduaren 3a, 19:00

JENDEARENTZAT ZABALIK
Ostegunetik larunbatera, 2024ko abenduaren 5etik 21era. 17:00-20:00

DESEMBOCADURA INCIERTA
Egonaldi artistiko hau bi artistaren arteko topaketa gisa eraiki zen; Paul Valéryk urmaelak aipatzen ditu abiaburu gisa. Guretzat ur-gorputzak espazio kontzeptual eta fisiko bat dira, eta zentzua bilatzeko orientazio-puntua izan daitezke.

Testuinguru arloko desberdintasunen barruan, batzen gaituzten antzekotasunetatik lan egin nahi dugu. Gure memorian beti agertzen da urarekiko hurbiltasuna, hainbat arrazoirengatik. Ibai bat baliagarria izan daiteke orientatzeko, nonbait isurtzen baititu urak. Galduta zaudenean puntu horretara jo ahal zara, beste toki batera biratzeko edo inguruan hazteko.

Batzuetan, esaterako, Euskal Herriko paisaian, ura ohiko elementua da, eta ibaia, itsasoa eta beste ur-gorputz batzuk hartzen ditu barne. Mexiko Hirian, adibidez, ura forma materiala izatetik irudizko forma izatera igaro da, hirian egon ziren eta memoria kolektiboan dauden ibaiei dagokienez.

Gure praktika artistikoa hasierako puntu mugikor bat da, sigi-saga doan ibai bat, ibai-aho ezezaguna duena. Desorientazioa etengabe agertzen da, eta bilaketa da orientazio posible bakarra.

Gloria Anzaldúaren arabera, nahuatlezko nepantla hitzak bi ur-masen arteko espazioa izendatzen du, bi munduren arteko espazioa, alegia. Espazio mugatua da, bertan ez baitzara ez gauza bat ez bestea, aldaketa-prozesuan baitzaude. Ez dago argi non dauden itsasoa eta zerua, eta aparra hodeiekin nahasten da.

Egonaldi honetan gogoeta egin dugu uraz, haren materialtasunei eta egoerei erreparatuz. Ur horrek baretu egiten gaitu gertu gaudenean, eta arrastaka eramaten gaitu komeni denean; gai da ingurua modelatzeko gorpuztasun arin eta aldakor batekin.

Gari Arambarri (Azkoitia, 1997) eta Gin Ro (Mexiko Hiria, 1986) artistek 2021ean BilbaoArte Fundazioan izandako egonaldi batean ezagutu genuen elkar, eskaileretan behera gindoazela.

Eskuzko, ehunezko eta filmeko prozesuak interesatzen zaizkigu. Erakusketa-gunea partekatu dugu BilbaoArte Fundazioan eta Art Emergent Sabadell 2022an. Biok lantzen ditugun gaien artean historia, memoria, paisaia eta keinuak daude.