D. MAINI, N. GOKUL, S. CANTONI + S. FERRARI: BRUISED, UNDIVIDED, BACKWAYS TO THE BORDERLANDS ACCESS: PRACTICES AND HABITS

Dalia Maini, Noah Gokul, Saverio Cantoni & Stefano Ferrari: Bruised, Undivided, Backways to the Borderlands

Eguna:
2026ko irailaren 25a, ostirala. 19:30

Tokia:
Sarean
Mariaren Bihotza plaza, 4
48003-Bilbo

Irisgarritasuna:
Gurpil-aulkietarako sarrera eta komun irisgarriak.

Bruised, Undivided, Backways to the Borderlands Dalia Maini, Noah Gokul, Saverio Cantoni eta Stefano Ferrariren performance bat da, hain zuzen, Bulegoa z/b-k access: practices and habits proiektuaren* parte gisa Saverio Cantoniri egindako enkargu bat.

Bruised, Undivided, Backways to the Borderlands
Bruised, Undivided, Backways to the Borderlands performanceak desgaitasunaren eta konfinamenduaren arteko gurutzaketa du aztergai. Fabulazio soniko gisa sortu da, eta sarbide desordenatuak eta erlazionalak jorratzen ditu.

Performanceak aztertzen duenez, Europako mugak kanpotik inposatzen dizkigute –gizatiarra eta gizapetikoa sortuz– eta, gainera, gure gorputzen barruan daramatzagu, eta zehazten dute mugitzeko, sentitzeko, erlazionatzeko eta bizirauteko dugun modua. Logika hori bera zabaldu da osasun-sistema, gizarte-ongizateko egitura eta burokraziara –ahultasuna kudeatzen eta administratzen duten konfinamendu-moduak baitira–, xurgatzeko, erreplikatzeko eta batzuk besteen ordez berreraikitzeko.

Konponbideak eskaini beharrean, fabulazio sonikoak hausnarketa kolektiborako espazioa eskaintzen du, mugak sentitu, zalantzan jarri eta, une batez, desegin ahal izateko. Osatu gabe dagoenari eutsi, eta publikoa gonbidatzen du intrusio geldo baten lekuko, konplize eta igorle izan dadin –mugalde baterantz mugitu dadin, bertan konfinamenduari uko egiten diotenekin eta ezin konfinatu daitezkeenekin elkartzeko.

Performanceak sarbidearen estetika nabarmentzen du, era ugari eskaintzen baititu lana modu kolektiboan esperimentatzeko, hizkuntza mistoak, praktika sonikoak eta espazio sentsorialak erabiliz. Performancea egin baino bi aste lehenago, ekitaldira iristeari buruzko informazio zehatza emango da.

BIOGRAFIAK

Dalia Maini idazketan, edizioan eta antolaketa desantolatuan jarduten da. Lanean aritzen da espazioko gorputzen politika emantzipatzailearen, desobedientzia sozialaren eta herritarren sormenaren arteko elkargunean. Bere ikerketaren ardatza afektuaren dimentsio soziopolitikoak dira; nola funtzionatzen duten emozioek zapalkuntzarako eta erresistentziarako espazio gisa. Arts of the Working Class kaleko egunkariko erredaktoreburua da.

Noah Gokul artista multimedia, performer, konpositore eta hezitzaile terapeuta da. Oaklanden (Kalifornia) jaio zen, eta gaur egun Berlinen (Alemania) bizi da. Soinu-artea, musika, performancea, pintura eta bideoa lantzen ditu. Noahren praktika esperimentazioan eta lankidetzan oinarritzen da, eta bertan artea, sendaketa eta askapena elkartzen dira. Hainbat erakusketa, performance eta talde artistikotan parte hartu du, eta hitzaldiak eman ditu Europan eta Estatu Batuetan.

Saverio Cantoni desgaitasuna duen artista bat da –ahozko hizkuntza erabiltzen duen pertsona gorra–, zuria ematen du eta Berlinen bizi da. Saveriok hainbat modutan koreografiatzen ditu soinuak, testu bisualak eta entzuteko moduko esperientziak uztartuz. “Sarbidearen estetikari” buruzko ikerketa bat egiten ari da, eta, praktikan, era askotako materialak erabiltzen ditu, jendeak bere lana eskuratu ahal izan dezan hainbat lekutatik.

Stefano Ferrari, aka Menion, Berlinen bizi den Italiako gitarrista, konpositore eta ekoizle bat da. Bere lanean musika elektroniko ameslaria nahasten du glitch, ambient eta post-rock esperimentalaren eraginekin. Soinura hurbiltzen da, narratiba deskriptibo gisa, eta gitarra erabiltzen du batez ere prozesamendu elektronikoaren bidez birdefinitzen den eraldaketa-prozesu baten iturri modura. Identitatea eta haren eraldaketa dira bere giltzarri poetikoak –konposizio-teknikaz gain–, eta, haien bidez, soinu-testuinguru zabalago batean murgiltzen da, dentsitatearen eta arrarotzearen, hurbiltasunaren eta distantziaren artean jarioz doan soinu-paisaia bat marrazteko. Shellac, Sonic Youth, Christian Fennesz, Alva Noto, Arvo Pärt eta Olivier Messiaen dira bere eraginak.

*The opposite of silence is a shockwave Bulegoa z/b-k access: practices and habits (sarbidea: praktikak eta ohiturak) proiektuaren barruan egindako ekoizpen bat da. Epe luzerako lankidetza-proiektu bat da, If I Can’t Dance, I Don’t Want To Be Part Of Your Revolution (Amsterdam, Holanda) eta Askeaton Contemporary Arts (Askeaton, Irlanda) erakundeekin egina. Erakunde artistiko horien lantokian irisgarritasuna sormen-praktika gisa garatzea du xede. Access: practices and habits proiektua Europar Batasunak batera finantzatu du.

practicesandhabits.org

Europar Batasunak batera finantzatua. Adierazitako iritziak eta ikuspuntuak egileei baizik ez dagozkie, eta ez dute nahitaez bat egiten Europar Batasunak eta Europa Sortzaileak dituztenekin. Hortaz, Europar Batasuna eta finantzatzen duen entitatea ezin dira horien erantzuletzat jo.