EL CONTRATOren inaugurazioa AlhóndigaBilbaon

2013. urtean AlhóndigaBilbaoren gonbidapen bat jaso genuen, lankidetza-proiektu bat egiteko. EL CONTRATO izan zen gure erantzuna, bi urteko egoitza. Lehenengo urtean, irakurketa-talde bat jarri genuen abian, testu batzuk ardatz gisa hartuta. Saio horien bidez, sakon ikertu nahi genuen esan gabeko eta oro har onartutako akordioek nola baldintzatzen dituzten kontuak egiteko, egoteko eta jokatzeko ditugun moduak eta praktikak.

12 irakurketa-saio horietan landutako hausnarketak eta egindako eztabaidak berriz formulatu ditugu erakusketa honetako edukiak eratzen dituzten 12 ataletan. Erakusketa osatzeko, hitzaldiak, zinema, ekintza performatiboak eta proposamen eszenikoak dituen programa bat antolatu dugu. Hiru hilabete hauetan berriz jarriko dugu abian EL CONTRATO irakurketa-taldea, eztabaida berriak pizteko. Guk galdera hau egiten diogu geure buruari: begien bistako kontratu esplizituak alde batera utzita, zein dira egunean-egunean mugatzen gaituzten beste kontratu –afektibo, ikusezin eta esan gabeko– horiek?

Informazio gehiago: www.alhondigabilbao.com